Abdurauf Fitrat korpusi

Umidsizlik xanjari bilan yaralangʻan bir yurakning eng soʻnggi armugʻoni
Erka malak, achchigʻlanmam senga,
Uchirsang-da koʻkka yurak kulin.
Achchigʻlanmam senga, nozli quyosh,
Yodirsang-da umidimning gulin.
Borsun, yonsun umidimning guli;
Koʻkka uchsun yuragimning kuli,
Soʻlsun ruhim, borligʻim-da bitsun.
oʻksiz koʻzning yoshi kabi ishqim
Tuproq uzra toʻkulsun-da ketsun.
Tilaklarim, armonlarim, she’rim.
Koʻmilsunlar, kerakmaslar menga,
“Hayot” degan qopqon borsun,
Parchalansun, bitsun, yoʻqolsun.
Biroq, sen... kim, xayolingga ruhim
Tolpinadur – yasha, bor boʻl, tutash.