Abdurauf Fitrat korpusi

Oppogʻim, xudoy asragʻay seni,
Ko‘z balosidan saqlagʻay seni.
Sen jahonning eng nozaninisen,
Qaygʻulargʻa hech solmagʻay seni.
Qip-qizil gulim, yop-yorugʻ oyim,
Ketmay tur, bir oz men koʻray seni.
Dardi jonimning sen davosimi?
Mungli koʻnglumnig podishosimi?
Gulmi sen, koʻzim, jonmi sen, koʻzim?
Ko‘nglimning buti yo xudosimi?
Bilmadim, gulim, ayt oʻzing kulib,
Oshiqing nechuk atagʻay seni?