Abdurauf Fitrat korpusi

Ogʻir yigit, sening goʻzal, nurli koʻzingda
Bu millatning saodatin, baxtin oʻqudim.
oʻylashingda, turishingda hamda oʻzungda
Bu yurt uchun qutulishning borligin koʻrdim.
Turma - yugur, tinma tirish, bukilma - yuksal,
Hurkma - kirish, qoʻrqma yopish, yoʻrilma - qoʻzgʻal.
Yel yoʻlini toʻsib turgan eski bulutlarni
Yondirib qoʻy, yirtib tashla, barchasin yoʻq et.
Qilolmasang shu ishlarni,
Sening uchun xoʻrlikdir bu...
Yiqil, yoʻqol, ket!