O‘qitg‘uvchilar yurtiga
Til statistikasi
So'z turkumlari statistikasi
Matn
Orqadoshlar, toʻplanaylik jahlning uyin yiqqali,
El koʻzin olgʻan qorongʻu pardalarni yirtqali.
Biz erurmiz ma’rifat arslonlari, ilm erlari,
Toʻplanaylik, turk eliga toʻgʻri yoʻllar ochqali.
Ellari mahvdan qutqaran ilm erur,
Bizlari ham bu kundan oʻzi qutqarur.
Biz erurmiz elning insonlik qonin qaynatgʻuchi,
Turk arslonin oʻrinsiz uyqudan uygʻotgʻuchi.
Ma’rifat bayrogʻi ostiga yigʻildik barchamiz
Kim, bizi otganlara haq yoʻllarin koʻrsatkuchi...
Ellari mahvdan qutqaran ilm erur,
Bizlari ham bu kundan oʻzi qutqarur.
Haydang, oʻrtoq, qutqaraylik jahldan Turonlari,
Erutaylik ma’rifat nuri-la Turkistonlari,
Ilm oʻchogʻida yetishkan er-yigitlar,
Toʻplaning!
Qochiraylik jahl urdusin, ochaylik onglari...
Ellari mahvdan qutqaran ilm erur,
Bizlari ham bu kundan oʻzi qutqarur.